06 اپریل ، 2025 
کراچی: ڈکیتی مزاحمت میں حاملہ خاتون کی ہلاکت کا ڈراپ سین، معاملہ نیا رخ اختیار کر گیا
06 اپریل ، 2025
کراچی میں مبینہ ڈکیتی مزاحمت میں حاملہ خاتون کی ہلاکت کے معاملے کا ڈراپ سین ہوگیا۔
کراچی کے علاقے فقیراگوٹھ میں مبینہ ڈکیتی مزاحمت میں حاملہ خاتون کی ہلاکت کی تحقیقات میں نیا موڑ سامنے آیا ہے، پولیس نے واردات سے متعلق غلط معلومات دینے پر شوہر کو حراست میں لے لیا۔
پولیس حکام کے مطابق شواہد سے واضح ہوا ہے کہ معاملہ ڈکیتی مزاحمت کا نہیں تھا، مقتولہ کو 2 روز قبل گولی اس کے گھر میں لگی تھی، مقتولہ کے شوہر کے مطابق اس کا بیوی کے ساتھ جھگڑا ہوا تھا اور جھگڑے کے دوران اس کی بیوی نے پستول سے خود کو گولی ماری۔
پولیس حکام نے یہ بھی بتایا کہ زیرحراست ملزم کا بیان مشکوک ہے، ملزم نے پولیس کو ڈاکوؤں کی فائرنگ سے بیوی کے جاں بحق ہونے کا مقام غلط بتایا۔
ذرائع سے معلوم ہوا کہ ملزم کےگھر میں گولی چلی تھی جس سے خاتون جاں بحق ہوئی، پولیس حکام کے مطابق گولی لگنے کے بعد گھر سے شواہد مٹا کر گمراہ کرنے کی کوشش کی گئی، مقتولہ کے شوہر سے برآمد اسلحہ بھی غیر قانونی ہے۔
مزید خبریں :
پشاور میں نوجوان کے قتل کا ڈراپ سین، منگیتر قاتلہ نکلی
05 اپریل ، 2025
مانسہرہ: پسند کی شادی کرنے والی خاتون اور 16 ماہ کی بیٹی قتل
05 اپریل ، 2025
سفاک شوہر نے حاملہ بیوی اور 2 بچوں کو زندہ جلادیا
03 اپریل ، 2025
کراچی میں عید کے تین روز میں ٹریفک حادثات میں 6 افراد جاں بحق
02 اپریل ، 2025
