05 اپریل ، 2025 
کراچی: ڈکیتوں کی موٹر سائیکل سوار فیملی پر فائرنگ، حاملہ خاتون جاں بحق
05 اپریل ، 2025
کراچی کے علاقے سائٹ سپر ہائی وے پر ڈکیتی کے دوران ملزمان کی فائرنگ سے حاملہ خاتون جاں بحق ہوگئی۔
پولیس کے مطابق سائٹ سپر ہائی وے فقیرا گوٹھ پریشان چوک کے قریب موٹر سائیکل پر سوار میاں بیوی پر 2 مسلح ڈاکوؤں نے دوران ڈکیتی فائرنگ کی جس کے نتیجے میں خاتون جاں بحق ہوگئی۔
پولیس ذرائع کا بتانا ہے کہ مقتولہ حاملہ تھی جس کی شناخت 25 سالہ صائمہ زوجہ عرفان کے نام سے ہوئی ہے۔
پولیس نے ڈکیتی کے دوران حاملہ خاتون کے قتل میں ملوث ڈاکوؤں کی گرفتاری کیلئے اطراف میں لگے کیمروں کی فوٹیج اور جیو فینسنگ کے حصول سمیت تفتیش کا دائرہ کار وسیع کردیا ہے۔
دوسری جانب ملیر سٹی کے علاقے میں بھی جھگڑے کے دوران فائرنگ سے ایک شخص جاں بحق ہوگیا، مرنے والے شخص کی شناخت 40 سالہ حمزہ کے نام سے ہوئی ہے۔
پولیس کے مطابق مقتول کو جھگڑے کے دوران قتل کیا گیا، جائے وقوعہ سے 30 بور کے 4 خول ملے ہیں۔
ادھر فیڈرل بی ایریا بلاک 21 میں رہائیشی فلیٹ سے خاتون کی 10 دن پرانی لاش برآمد ہوئی، خاتون کی شناخت 65 سالہ نزعت فاطمہ زوجہ عبد الباری کے نام سے ہوئی ہے۔
پولیس کا بتانا ہے کہ خاتون فلیٹ میں اکیلی رہائش پذیر تھی، لاش کا پوسٹ مارٹم کے بعد ہی موت کی وجہ اور مزید تفصیلات سامنے آسکیں گی۔
مزید برآں بھیم پورہ امام بارگاہ کے قریب گھر سےبھی نوجوان کی پھندا لگی لاش ملی، متوفی کی شناخت 19 سال کے دین اسلام کے نام سے ہوئی۔
پولیس کا بتانا کے کہ ابتدائی طور پر واقعہ خودکشی کا لگتا ہے تاہم مزید تحقیقات جاری ہیں۔
مزید خبریں :
سفاک شوہر نے حاملہ بیوی اور 2 بچوں کو زندہ جلادیا
03 اپریل ، 2025
کراچی میں عید کے تین روز میں ٹریفک حادثات میں 6 افراد جاں بحق
02 اپریل ، 2025
کراچی: ڈیفنس فیز ون میں فائرنگ سے ایک شخص جاں بحق
02 اپریل ، 2025
