05 اپریل ، 2025 
کراچی میں پولیس کانسٹیبل نے ڈاکوؤں کی لوٹ مار کی کوشش ناکام بنادی، دونوں ڈاکو ہلاک
05 اپریل ، 2025
کراچی کے علاقے غازی گوٹھ میں سادہ لباس اہلکار نے چائے کے ہوٹل پر ہونے والی ڈکیتی کی واردات کو ناکام بنادیا اور اہلکار کی فائرنگ سے دونوں ڈاکو ہلاک ہوگئے۔
پولیس کے مطابق سچل تھانے کی حدود میں واقع غازی گوٹھ بلاک جی میں چائے کے ہوٹل پر دو ڈاکو لوٹ مار کی نیت سے پہنچے تاہم اس ہوٹل میں سادہ لباس پولیس اہلکار بھی موجود تھا۔
حکام کا کہنا تھا کہ ڈاکوؤں نے واردات کے بعد موقع سے فرار ہونے کی کوشش کی تو پولیس اہلکار حیدر علی نے انہیں روکا جس پر ملزمان نے فائرنگ کردی۔ پولیس اہلکار کی جوابی فائرنگ سے دونوں ڈاکو شدید زخمی ہوئے اور اسپتال منتقلی کے دوران ہلاک ہوگئے۔
ملزمان کے قبضے سے دو 9ایم ایم پسٹلز، 8 موبائل فونز اور تھانہ سمن آباد کی حدود سے چھینی ہوئی موٹر سائیکل برآمد کرلی گئی۔
پولیس حکام کا کہنا ہے کہ ملزمان کی شناخت کیلئے نادرا سے مدد لی جارہی ہے۔
مزید خبریں :
پشاور میں نوجوان کے قتل کا ڈراپ سین، منگیتر قاتلہ نکلی
05 اپریل ، 2025
مانسہرہ: پسند کی شادی کرنے والی خاتون اور 16 ماہ کی بیٹی قتل
05 اپریل ، 2025
سفاک شوہر نے حاملہ بیوی اور 2 بچوں کو زندہ جلادیا
03 اپریل ، 2025
کراچی میں عید کے تین روز میں ٹریفک حادثات میں 6 افراد جاں بحق
02 اپریل ، 2025
