پاکستان
11 مارچ ، 2013
11 مارچ ، 2013 
ہڑپہ کے قریب خیبر میل کو حادثہ، ریلوے ٹریفک 4 گھنٹے معطل رہی
11 مارچ ، 2013
پشاور … پشاور سے کراچی جانیوالی خیبر میل ایکسریس ہڑپہ ریلوے یارڈ کے قریب حادثے کاشکار ہوگئی، ریلوے ٹریک پر 4 گھنٹے ٹریفک معطل رہی، کوئی جانی نقصان نہیں ہوا۔ پشاور سے کراچی جانے والی خیبر میل ایکسپریس ساہیوال سے روانہ ہوئی تو 15 منٹ بعد ہڑپہ کے نزدیک اسے لائن کلیئر نہ ہونے کے باعث آہستہ کیا گیا ۔ ٹرین ہڑپہ یارڈ کے آوٴٹر کیبن کے نزدیک پہنچی تو ایک بوگی کے پہیے الگ ہوگئے، خوش قسمتی سے مسافرمحفوظ رہے، ریلوے حکام نے 4 گھنٹے بعد ٹریک کلیئرکردیا۔
