پاکستان
12 مارچ ، 2013
12 مارچ ، 2013 
امریکا کا پاک ایران گیس پائپ لائن منصوبے پر شدید خدشات کا اظہار
12 مارچ ، 2013
واشنگٹن…امریکا نے پاک ایران گیس پائپ لائن منصوبے پر شدید خدشات کا اظہار کیا ہے۔ واشنگٹن میں میڈیا کو بریفنگ دیتے ہوئے امریکی محکمہ خارجہ کی ترجمان وکٹوریا نولینڈ کا کہنا تھا کہ پاک ایران گیس لائن منصوبے کے بارے میں پہلے بھی دس، پندرہ بار اعلانات سن چکے ہیں، اب دیکھنا ہے کہ اصل میں کیا ہوتا ہے۔ ان کا کہنا تھا کہ اگر اس منصوبے پر مزید پیش رفت ہوتی ہے تو ایران پر عائد پابندیوں پر عمل درآمد شروع کیا جاسکتا ہے۔ وکٹوریا نولینڈ نے کہا کہ امریکا اس منصوبے پر اپنے خدشات سے پاکستان کو واضح طور پرآگاہ کر چکا ہے۔ ان کا کہنا تھا کہ پاکستان کو درپیش توانائی کے بحران سے نمٹنے کے لیے امریکا بہتر اور زیادہ قابل اعتماد منصوبوں پر پاکستان کے ساتھ مل کر کام کررہا ہے۔
