30 مئی ، 2025 
ماہرین آثار قدیمہ نے 3 ہزار سال پرانے گمشدہ شہر کے آثار دریافت کرلیے
30 مئی ، 2025
ماہرین آثار قدیمہ نے وسطی امریکی ملک گوئٹے مالا میں لگ بھگ 3 ہزار سال پرانے گمشدہ شہر کے آثار کو دریافت کیا ہے۔
شمالی گوئٹے مالا میں مایا تہذیب کے اس ہزاروں سال پرانے شہر کو دریافت کیا گیا جس میں موجود اہرام اور دیگر عمارات سے عندیہ ملتا ہے کہ زمانہ قدیم میں اس مقام کو اہم حیثیت حاصل تھی۔
مایا تہذیب 2 ہزار سال قبل مسیح میں ابھرنا شروع ہوئی اور 400 سے 900 صدی عیسوی کے درمیان میکسیکو اور گوئٹے مالا سمیت مختلف وسطی امریکی ممالک میں عروج پر پہنچی۔
دریافت ہونے والے شہر کو Los Abuelos کا نام دیا گیا ہے۔
وزارت ثقافت کی جانب سے جاری بیان کے مطابق اس شہر کو گوئٹے مالا کے خطے Uaxactun میں دریافت کیا گیا۔
بیان میں بتایا گیا کہ یہ شہر 800 سے 500 قبل مسیح کے عہد سے تعلق رکھتا ہے اور ممکنہ طور پر مایا تہذیب چند قدیم ترین اور اہم ترین مراکز میں سے ایک تھا۔
بیان میں مزید بتایا گیا کہ اس جگہ سے حیران کن تعمیراتی منصوبہ بندی کا عندیہ ملتا ہے۔
اس شہر کا نام وہاں موجود 2 انسانوں جیسے مجسموں پر رکھا گیا تو کسی قدیم جوڑے کے تھے۔
یہ مجسمے 500 سے 300 قبل مسیح پرانے ہیں۔
ماہرین کے اندازے کے مطابق یہ شہر 6 اسکوائر میل رقبے پر پھیلا ہوا تھا اور اسے گوئٹے مالا اور سلواکیہ کے ماہرین آثار قدیمہ نے دریافت کیا۔
انہوں نے ایک ہرم کو بھی دریافت کیا جو 33 میٹر بلند تھا جبکہ ایک منفرد نہری نظام بھی اس شہر میں موجود تھا۔
اس سے قبل اپریل میں میکسیکو میں ایک ہزار سال پرانے شہر کے آثار کو دریافت کیا گیا تھا۔
مزید خبریں :
آخر ٹائروں کا رنگ سیاہ کیوں ہوتا ہے؟
28 مئی ، 2025
بیٹوں نے 90 سالہ باپ کی دوسری شادی کی خواہش پوری کر دی
28 مئی ، 2025
مصر میں 3 ہزار سال سے زائد پرانے 3 مقبرے دریافت
27 مئی ، 2025
