پاکستان
16 اپریل ، 2013
16 اپریل ، 2013 
بالائی پنجاب، خیبرپختون خوا، کشمیر اور گلگت بلتستان میں بارش کا امکان
16 اپریل ، 2013
اسلام آباد…محکمہ موسمیات نے آج بالائی پنجاب، خیبرپختون خوا، کشمیر اور گلگت بلتستان میں کچھ مقامات پر بارش کی پیش گوئی کی ہے۔لاہور اور گردونواح میں رات گئے ہلکی بارش ہوئی جس سے موسم خوشگوار ہوگیا۔پنجاب اور سندھ کے بیش تر شہروں میں دن کے وقت گرمی کی وجہ سے لوگ گھروں میں رہنے کو ترجیح دے رہے ہیں۔ ٹھنڈے مشروبات کا استعمال بھی بڑھ گیا ہے ۔محکمہ موسمیات کے مطابق آج بالائی پنجاب ، خیبرپختون خوا، کشمیر اور گلگت بلتستان میں کہیں کہیں بارش جبکہ پنجاب اور خیبرپختونخوا کے میدانی علاقوں میں بعض مقامات پر آندھی کا امکان ہے۔ پیر کو سب سے زیادہ درجہ حرارت شہید بینظیر آباد میں 45 سینٹی گریڈ ریکارڈ کیا گیا۔
