پاکستان
06 مارچ ، 2012
06 مارچ ، 2012 
کراچی: کینٹ میں5افراد کو قتل کرنے والا گھر کا سابقہ ڈرائیور نکلا
06 مارچ ، 2012
کراچی… کراچی کینٹ اسٹیشن قریب عسکری تھری میں پانچ افراد کوقتل کرنیوالا ملزم گرفتار کرلیا گیا،پولیس کے مطابق ملزم مقتولین کاسابقہ ڈرائیور ہے۔ ایس ایس پی کرائم برانچ فاروق اعوان کے مطابق ملزم کا نام اسرار ہے اور وہ مقتولین کاڈرائیور تھا اور نوکری سے نکالے جانے کے ردعمل کے طورپراس نے یہ واردات کی۔پولیس حکام نے بتایا کہ ملزم قتل کی رات واردات کے لئے دیوار پھلانگ کرگھرمیں داخل ہوا۔ اور ملزم نے گھر سے موبائل فون اور نقدی لوٹنے کے بعد باوانی فیملی سے تعلق رکھنے والے ان 5افراد کو قتل کیا۔ایس ایس پی کرائم برانچ فاروق اعوان کے مطابق ملزم نے اقرار جرم کرلیا ہے اس کے علاوہ اس کے قبضے سے آلہ قتل اور لوٹا گیا سامان اور نقدی برآمد کرلیا گیا ہے۔
