06 مارچ ، 2012 
لندن: افضاء الطاف کی دسویں سالگرہ کی تقریب،اقبال حسین و دیگر کی شرکت
06 مارچ ، 2012
لندن…متحدہ قومی موومنٹ کے قائد الطاف حسین کی صاحبزادی افضاء الطاف کی دسویں سالگرہ لندن میں منائی گئی ۔ اس سلسلے میں ایم کیوایم کے انٹرنیشنل سیکریٹریٹ میں ایک سادہ سی تقریب منعقدکی گئی جس میں الطاف حسین کے بڑے بھائی اقبال حسین ، دیگرقریبی اہل خانہ ،ایم کیوایم کی رابطہ کمیٹی کے اراکین ، انٹرنیشنل سیکریٹریٹ میں تنظیمی فرائض انجام دینے والے کارکنوں اوران کے اہل خانہ نے شرکت کی ۔ اس موقع پرافضاء الطاف نے اپنے تایا اقبال حسین کے ہمراہ سالگرہ کاکیک کاٹاتوتمام حاظرین نے سالگرہ کاگیت گایااورا پنی خوشی کااظہارکیا۔ تمام حاظرین نے افضاء الطاف کو ان کی دسویں سالگرہ کی مبارکبادپیش کی اورانہیں دعائیں دیں ۔اس موقع پر افضاء الطاف نے تمام بچوں میں تحائف تقسیم کئے ۔تمام حاظرین نے الطاف حسین کے بڑے بھائی اقبال حسین کوبھی ان کی بھتیجی افضاء کی دسویں سالگرہ کی مبارکبادپیش کی ۔
مزید خبریں :
