24 مئی ، 2013 
آئرلینڈ نے بہترین کھیل پیش کیا، غلطیوں پر قابو پانا ہوگا، مصباح الحق
24 مئی ، 2013
ڈبلن … پاکستان کرکٹ ٹیم کے کپتان مصباح الحق کا کہنا ہے کہ آئرلینڈ نے بہترین کھیل پیش کیا، میزبان ٹیم کے خلاف پہلے میچ میں جو غلطیاں ہوئیں، انہیں درست کرنے کی سخت ضرورت ہے۔ ڈبلن میں میڈیا سے بات کرتے ہوئے مصباح الحق نے کہا کہ آئرلینڈ نے جس طرح بیٹنگ کی وہ قابل تعریف ہے ، کیون اوبرائن نے بہادری سے کھیلا، جو غلطیاں گرین شرٹس نے پہلے ون ڈے میں کی ہیں انہیں ٹھیک کرنا ہوگا۔ انہوں نے کہا کہ ایک اہم ایونٹ سے قبل اس طر ح کی پرفارمنس تشویش ناک ہے ۔ دوسری جانب آئرش بیٹسمین کیون او برائن کا کہنا تھا کہ پاکستان کے خلاف میچ ٹائی کرنے پر بے حد خوشی ہے، پاکستان ایک بہترین ٹیم ہے اور وہ اس کا احترام کرتے ہیں، ہماری کوشش ہے کہ دوسرے میچ میں بھی اچھا پرفارم کرکے سیریز جیت لیں۔ پاکستان اور آئرلینڈ کے درمیان دوسرا اور آخری ون ڈے اتوار کو کھیلا جائے گا ۔
مزید خبریں :
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
آئی سی سی ٹی 20 رینکنگ جاری، بابر اور رضوان کی تنزلی
04 جون ، 2025
