24 مئی ، 2013 
اسد روٴف کو تفتیش کیلئے طلب نہیں کیا، بھارتی پولیس
24 مئی ، 2013
ممبئی … بھارتی پولیس کاکہنا ہے کہ پاکستانی امپائر اسد روف کو آئی پی ایل اسکینڈل میں تفتیش کیلئے طلب نہیں کیا گیا، آئی سی سی نے میڈیا رپورٹس کی بنیاد پر اسد روٴف کو چیمپئنز ٹرافی پینل سے باہر کردیا ہے۔ بھارتی پولیس کا کہنا ہے کہ اس نے اسد روٴف کو طلب نہیں کیا۔ غیر ملکی خبر رساں ادارے سے گفت گو میں بھارتی پولیس کے ایک عہدیدار نے کہا کہ آئی پی ایل اسکینڈل میں ہر پہلو سے تفتیش کی جارہی ہے تاہم انہوں نے واضح کیا کہ فی الحال پاکستانی امپائر کو تفتیش کیلئے طلب نہیں کیا گیا۔ پولیس افسر نے اس بات کی تصدیق یا تردید نہیں کی کہ اسد روٴف شک کے دائرے میں ہیں یا نہیں، البتہ ایک بھارتی چینل کا کہنا ہے کہ اسد روٴف 2 دن پہلے ہی بھارت سے جاچکے ، ایک اور چینل کا دعویٰ ہے کہ انہیں تفتیش کیلئے طلب کیا جا سکتا ہے۔
مزید خبریں :
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
آئی سی سی ٹی 20 رینکنگ جاری، بابر اور رضوان کی تنزلی
04 جون ، 2025
