16 مارچ ، 2012 
بھارت کا آئندہ مالی سال کیلئے 298 ارب ڈالر کا بجٹ پیش
16 مارچ ، 2012
دہلی … بھارتی پارلیمنٹ میں آئندہ مالی سال کیلئے 298ارب ڈالرکا بجٹ پیش کردیا گیا ہے۔ بھارتی حکومت نے کھانے پینے کی اشیاء پر سبسڈی میں کوئی تبدیلی نہیں کی۔ یکم اپریل سے شروع ہونے والے مالی سال کی بجٹ تقریر میں وزیر خزانہ پرناب مکھرجی نے بتایا کہ حکومتی بجٹ خسارے کو کم کرنے کیلئے فرٹیلائزر اور ڈیزل پر سبسڈیز کو موجودہ مالی سال کی سطح پر برقرار رکھا گیا ہے۔ انہوں نے کہا کہ 12 کروڑ کسان خاندانوں کو سستا فرٹیلائز فراہم کیا جائے گااور خوراک کی مد میں 3 ارب ڈالر سبسڈی دی جائے گی، بھارتی شہریوں کے بیرون ملک میں رکھے گئے کالے دھن کو بھارت واپس لانے کیلئے متعدد اقدامات کرنے کا اعلان کیا گیا ہے۔ پرناب مکھرجی نے بتایا کہ عام آدمی کو ریلیف پہنچانے کیلئے ٹیکس کی چھوٹ 1 لاکھ 80 ہزار روپے سے بڑھا کر2 لاکھ روپے کردی ہے۔
مزید خبریں :
سونے کی قیمت میں ایک بار پھر بڑا اضافہ
7 منٹ پہلے
ملک میں سونےکی قیمت میں کمی، فی تولہ سونا کتنےکا ہوگیا؟
12 فروری ، 2025
اسٹاک ایکسچینج میں کاروبار کا مثبت دن، 100 انڈیکس میں اضافہ
11 فروری ، 2025
