12 نومبر ، 2013 
اسلام آباد فائرنگ کیس، ملزم سکندر کے جوڈیشل ریمانڈ میں 25 نومبر تک توسیع
12 نومبر ، 2013
اسلام آباد…انسداد دہشت گردی کی خصوصی عدالت نے اسلام آباد فائرنگ کیس کے مرکزی ملزم سکندر کے جوڈیشل ریمانڈ میں 25 نومبر تک توسیع کر دی۔ عدالت نے پولیس کو حکم دیا ہے کہ آئندہ سماعت پر مقدمے کا مکمل چالان پیش کیا جائے۔جناح ایونیو فائرنگ کیس کے ملزم سکندر کو14 روزہ جوڈیشل ریمانڈ مکمل ہونے پر اسلام آباد کی انسداد دہشت گردی عدالت میں پیش کیا گیا۔خصوصی عدالت کے جج عتیق الرحمن نے مقدمے کی سماعت کی،پولیس نے مقدمے کا نامکمل چالان عدالت میں پیش کیا جس میں سکندر کو باقاعدہ ملزم قرار دیا گیا ہے۔30 گواہوں کے بیانات چالان کا حصہ ہیں،گواہوں میں پولیس اہلکار، اسلحہ ڈیلر، ہوٹل انتظامیہ اور ملزم کا علاج کرنیوالے ڈاکٹر شامل ہیں۔عدالت نے ملزم سکندر کے جوڈیشل ریمانڈ میں25 نومبر تک توسیع دیتے ہوئے پولیس کو آئندہ سماعت پر مقدمے کا مکمل چالان پیش کرنے کا بھی حکم دیا ہے۔
