06 جنوری ، 2014 
قطر سے گیس کی درآمد کا سودا 17 ڈالرز فی ایم ایم بی ٹی یو ہونے کا امکان
06 جنوری ، 2014
اسلام آباد…وفاقی وزیر پٹرولیم شاہد خاقان عباسی نے کہا ہے کہ قطر سے گیس کی درآمد کا سودا 17 ڈالرز فی ایم ایم بی ٹی یو تک ہونے کا امکان ہے۔لاگت کو دیکھتے ہوئے گھریلو صارفین کے سوا تمام شعبوں کیلئے یہ مہنگی کرنی پڑے گی۔ اسلام آباد میں وفاقی وزیر پٹرولیم نے یہ بات سینیٹ کی قائمہ کمیٹی کے اجلاس میں بتائی ۔ کمیٹی کو بتایا گیا کہ قطر سے گیس کی درآمد کیلئے ای ٹی پی ایل کمپنی پورٹ قاسم پر ٹرمینل تعمیر کرے گی اور ایل این جی کو عام گیس میں تبدیل کرنے کیلئے صفر اعشاریہ 66 ڈالر فی ایم ایم بی ٹی یو چارجز وصول کرے گی۔ اس سال نومبر تک قطر سے ابتدائی طور پر 20کروڑ مکعب فٹ یومیہ گیس سسٹم میں آنا شروع ہو جائے گی ،جسے 40کروڑ مکعب فٹ یومیہ تک بڑھایا جائے گا۔ ایران پاکستان گیس پائپ لائن منصوبے پر کمیٹی کو بتایا گیا کہ ایران پر امریکی پابندیوں میں نرمی کے معاہدے کے باوجود اس حوالے سے گیس پائپ لائین معاہدے کیلئے کو ئی لچک نظر نہیں آئی۔
مزید خبریں :
پاکستان اسٹاک ایکسچینج میں آج کاروبار کا منفی دن رہا
17 جون ، 2025
سونےکی فی تولہ قیمت میں مزیدکمی، نئی قیمت کتنی ہوگئی؟
17 جون ، 2025
سونے کی فی تولہ قیمت سیکڑوں روپے کم ہوگئی
16 جون ، 2025
اسٹیٹ بینک کا شرح سود 11 فیصد پر برقرار رکھنے کا اعلان
16 جون ، 2025
