10 جنوری ، 2014 
یوریا کھاد کی بوری کی قیمت میں 114 روپے کمی
10 جنوری ، 2014
اسلام آباد…حکومت اور کھاد کارخانوں کے درمیان معاہدہ طے پاگیا ہے جس کے تحت ملک بھر میں یوریا کھاد کی بوری کی قیمت میں 114 روپے کمی پر اتفاق کیا گیا ہے۔ اسلام آباد سے وزارت خزانہ کے جاری کردہ اعلامیے کے مطابق وزیر خزانہ اسحاق ڈار کی زیر صدارت کھاد کارخانوں کے نمائندوں سے مذاکرات کیے گئے۔ مذاکرات میں یوریا کھاد سستی کرنے کے لیے تجاویز پر غور کیا گیا۔ یوریا کھاد کی بوری کی قیمت میں 114 روپے کمی پر اتفاق کیا گیا اور فیصلہ کیا گیا کہ یوریا کھاد کی بوری کی قیمت 1900 روپے سے کم کرکے 1786 روپے کی جائے گی۔ اجلاس میں اس بات پر بھی اتفاق کیا گیا کہ یوریا کھاد کی بوری پر یکم مارچ سے قیمت درج کی جائے گی۔ اعلامیے کے مطابق وزیراعظم نواز شریف نے 8 جنوری کو یوریا کھاد سستی کرنے کے احکامات جاری کیے تھے اور یہ اجلاس اسی لیے منعقد ہوا تھا۔
مزید خبریں :
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
