07 مارچ ، 2014 
حافظ آباد کے اسکول میں اساتذہ نے بچیوں کے بال کاٹ دیے
07 مارچ ، 2014
حافظ آباد… مار نہیں پیار ،یہ نعرہ لکھا ہوا ہے حکومت پنجاب کی جانب سے تمام سرکاری اسکولوں میں ،اسی لیے حافظ آباد کے سرکاری اسکول میں بال صاف ستھرے نہ رکھنے پر اساتذہ نے بچیوں کومارا نہیں بلکہ ان کے بال ہی کاٹ ڈالے،اور کٹے ہوئے بالوں کو بیچ کرمکئی خرید لی، واقعہ تحصیل نوشہرہ ورکاں کے گاوٴں چبہ سندھواں کے گورنمنٹ گرلز اسکول میں پیش آیا،جہاں ہیڈ مسٹریس اور دیگر اساتذہ نے مبینہ طور پر سر میں جوئیں ہونے اور بال صاف ستھرے نہ رکھنے پر پہلی سے تیسری جماعت کی 30سے زائد بچیوں کے بال کاٹ دیے، طالبات نے الزام لگایا ہے کہ اساتذہ نے ان کے بال کاٹے اور پھر کٹے ہوئے بال بیچ کر مکئی خرید کر کھا لی ،اساتذہ کے رویے پر طالبات اور انکے اہلخانہ سراپا احتجاج ہیں ،اس معاملے پر اسکول کی ہیڈ مسٹریس سے ان کا موقف جاننے کی کوشش کی گئی تاہم انہوں نے میڈیا سے بات کرنے سے انکار کردیا۔
