23 مارچ ، 2014 
ورلڈ ٹی 20 :پاکستان نے آسٹریلیا کو16رنز سے شکست دے دی
23 مارچ ، 2014
میرپور،ڈھاکا…ورلڈ ٹی 20کے میچ میں پاکستان نے آسٹریلیا کو 16رنز سے شکست دیدی۔پاکستان کی جانب سے دیئے گئے 192رنز کے ہدف میںآ سٹریلوی ٹیم پہلے اوورمیں 2وکٹوں سے محروم ہوگئی اس کے با وجود جارح مزاجی میں کمی نہیں آئی ،چھٹے اوورمیں ہی آسٹریلیا کی نصف سنچری مکمل ہوگئی ،گلن میکس ویل74 اور ارون فنچ65 نے عمدگی سے پاکستانی بولرزکی خوب دھنائی کی اور ایک موقع پر آسٹریلیا کو کامیابی کے قریب لاکھڑا کیا تاہم کرکٹ نے اپنا رنگ جمایا اور گلن میکس ویل کو شاہد آفریدی نے احمد شہزاد کے ہاتھوں کیچ آؤٹ کر ادیا،ان کے آؤٹ ہوتے ہی آسٹریلین بیٹسمین کامیابی کی راہ سے بھٹک گئے اور یکے بعد دیگرے پویلین لوٹتے گئے،آخری اوور میں آسٹریلیا کو 23رنز درکار تھے جبکہ اس کی3وکٹیں باقی تھیں لیکن پوری آسٹریلوی ٹیم175رنز پر ڈھیر ہو گئی۔پاکستان کی جانب سے ذوالفقار بابر،شاہد آفریدی،بلاول بھٹی اور عمر گل نے دو،دو وکٹیں حاصل کیں۔ عمراکمل کو مین آف دی میچ قراردیا گیا ۔
مزید خبریں :
