08 اپریل ، 2014 
سبی:جعفر ایکسپریس کی بوگی میں دھماکا2افرادجاں بحق ،متعدد زخمی
08 اپریل ، 2014
سبی…سبی ریلوے اسٹیشن پر جعفر ایکسپریس کی بوگی نمبر9دھماکا ہو اہے جس کے نتیجہ میں2افرادجاں بحق ، اور متعدد زخمی ہو گئے ،زخمیوں میں شدید زخمی بھی موجود ہیں اور مزید ہلاکتوں کا خدشہ ہے ۔ ڈی سی او سبی سہیل الرحمان نے تصدیق کی ہے کہ واقعے میں2افراد جاں بحق اور متعدد زخمی ہو ئے ہیں،ان کا کہنا ہے کہ واقعے کے بعد امدادی کارروائیاں شروع کر دی گئی ہیں۔ریلوے ذرائع کے مطابق کوئٹہ سے راولپنڈی جانے والی جعفر ایکسپریس جوں ہی سبی اسٹیشن پہنچی بوگی نمبر9میں زوردار دھماکا ہوا اور آگ نے اسے لپیٹ میں لے لیا جس پر تاحال قابو نہیں پایا جا سکا ہے۔واقعے کے بعد امدادی کارروائیاں شروع کر دی گئیں اور اسپتالوں میں ایمرجنسی نافذ کر دی گئی ہے۔سبی اسٹیشن پر سیکیورٹی سخت کر دی گئی ہے ،ایف سی اور پولیس اہلکاروں کی بڑی تعداد جائے حادثہ پر پہنچ گئی ہے۔ ریلوے کنٹرول ذرائع کے مطابق دھماکے کے وقت جعفر ایکسپریس سبی ریلوے اسٹیشن پر کھڑی تھی۔
مزید خبریں :
تصاویر: پی ٹی آئی احتجاج کے بعد کے مناظر
4 گھنٹے پہلے
کراچی میں آئندہ 24 گھنٹوں میں موسم کیسا رہے گا؟
8 گھنٹے پہلے
