16 جون ، 2014 
آپریشن کا مقصد دہشتگردوں اور ان کی پناہ گاہوں کا خاتمہ ہے، آرمی چیف
16 جون ، 2014
اسلام آباد......چیف آف آرمی اسٹاف جنرل راحیل شریف کا کہنا ہے کہ شمالی وزیرستان میں آپریشن کا مقصد تمام دہشت گردوں اور ان کی پناہ گاہوں کا خاتمہ کرنا اور ملک کو دہشت گردی کی لعنت سے نجات دلانا ہے۔آئی ایس پی آر کے مطابق آرمی چیف جنرل راحیل شریف نے اسلام آباد میں نیشنل ڈیفنس یونیورسٹی کا دورہ کیا۔آرمی چیف نے نیشنل سیکیورٹی اور وار کورس کے شرکا سے خطاب بھی کیا۔جنرل راحیل شریف نے ملکی کی داخلی اور خارجی سیکیورٹی صورتحال اور خاص طور پر شمالی وزیرستان میں جاری آپریشن کے متعلق آگاہ کیا۔آرمی چیف جنرل راحیل شریف کا کہنا تھا کہ آپریشن ضرب عضب کا مقصد شمالی وزیرستان سے تمام دہشت گردوں اور ان کی پناہ گاہوں کا خاتمہ کرنا اور ملک کو دہشت گردی کے خطرے سے نجات دلانا ہے۔
