پاکستان
25 ستمبر ، 2014
25 ستمبر ، 2014 
بےوقت کےدھرنوں نےترقی میں رکاوٹ ڈالی، شہبازشریف
25 ستمبر ، 2014
لاہور......وزیراعلیٰ پنجاب شہباز شریف کا کہنا ہے کہ بے وقت کے دھرنوں کے ذریعے ترقی اور خوشحالی کے منصوبوں میں رکاوٹ ڈالی گئی ہے۔ دھرنوں سے معیشت کو نقصان پہنچا، 18 کروڑ عوام اس جرم کو کبھی معاف نہیں کریں گے۔وزیراعلیٰ پنجاب شہباز شریف سے لاہور میں گورنر پنجاب چودھری محمد سرور نے ملاقات کی۔ اس موقع پر وزیراعلیٰ کا کہنا تھا کہ اپنوں نے خود ملک کے ساتھ دشمنی کی، نادان دوست اب بھی ہوش کے ناخن لیں۔ شہباز شریف کا کہنا تھا کہ پنجاب حکومت وعدے کے مطابق سیلاب سے متاثرہ لوگوں کو دنوں میں ادائیگی کر رہی ہےدھرنے دینے والوں نے مصیبت زدہ بہن بھائیوں کو یکسر فراموش کر کے بدترین بے حسی کا مظاہرہ کیا ہے۔
