دبئی......یونس خان اور اظہر علی کی ذمہ دارانہ بیٹنگ کے باعث دبئی ٹیسٹ کے پہلے روزچائے کے وقفے پاکستان نے3وکٹوں کے نقصان پر125رنز بنالیے۔اظہر علی نے 53رنز کی اننگز کھیلی۔یونس خان 52اور مصباح الحق 8رنز کے ساتھ کریز پر موجود ہیں۔دبئی انٹرنیشنل کرکٹ اسٹیڈیم میں کھیلے جارہے ٹیسٹ میں کپتان مصباح الحق نے ٹاس جیت کر بیٹنگ کا فیصلہ کیا،پاکستان ٹیم نے اننگز کا آغاز انتہائی مایوس کن انداز میں کیااور صرف 7رنز کے مجموعی اسکور پر اوپنرزاحمد شہزاد اور محمد حفیظ پویلین واپس لوٹ گئے، احمد شہزاد نے تین رنز بنائے جبکہ محمد حفیظ کھاتہ کھولے بغیرآئوٹ ہوئے۔اظہر علی اور یونس خان آسٹریلوی بالرز کے سامنے آہنی دیوار ثابت ہوئے اور تیسری وکٹ کی شراکت میں 108رنز بناکر ٹیم کی پوزیشن کو مستحکم بنادیا۔اظہر علی53 رنز بناکر جانسن کی گیند پر ڈولان کو کیچ دے بیٹھے۔ جانسن نے دو اور سڈل نے ایک وکٹ حاصل کی۔کپتان مصباح الحق کا کہنا تھا کہ پریکٹس میچ میں کامیابی سے حوصلے بلند ہوئے ہیں،وکٹ اسپنرز کے لیے سازگار ہوگی۔ عمران خان اور یاسر شاہ پاکستان کی جانب سےٹیسٹ کیریئر کا آغازکیا ہے۔پاکستان ٹیم ان کھلاڑیوں پر مشتمل ہے۔ کپتان مصباح الحق ،احمد شہزاد، محمد حفیظ، اظہر علی، یونس خان، اسد شفیق، سرفراز احمد، ذوالفقار بابر، یاسر شاہ، راحت علی اور عمران خان جبکہ آسٹریلیا کی ٹیم میں مائیکل کلارک(کپتان)، ڈیوڈ وارنر، کرس راجر، ایلکس ڈولان، اسٹیون اسمتھ، مچل مارش، بریڈ ہڈن، مچل جانسن، پیٹر سڈل،ناتھن لیون اور اسٹیو اوکیف شامل ہیں۔