03 مارچ ، 2025 
ایک ساتھ ملکر دوستوں کی طرح کام کرنے والے منفرد روبوٹس
03 مارچ ، 2025
ویسے تو موجودہ عہد میں روبوٹس پر کافی زیادہ کام کیا جا رہا ہے مگر ایک کمپنی نے منفرد انسان نما روبوٹس تیار کیے ہیں۔
فگر نامی کمپنی نے فگر 02 نامی انسان نما روبوٹس تیار کیے ہیں جو اکٹھے گھر کے مختلف کام کرنے کی صلاحیت رکھتے ہیں یا یوں کہہ لیں کہ آپ انہیں گھریلو ملازمین کے طور پر استعمال کرسکتے ہیں۔
روبوٹس کا ملکر کام کرنے کا عمل ہیلیکس اے آئی نامی ویژن لینگوئج ایکشن ماڈل سے ممکن ہوگا۔
فگر 02 بنیادی طور پر روبوٹ دوست سمجھے جاسکتے ہیں جو اکٹھے کام کرتے ہیں۔
جیسے اکٹھے فریج سے چیزیں اٹھا کر لاتے ہیں اور کچن میں بکھرے سامان کو ان کی درست جگہ پر رکھتے ہیں۔
کمپنی کے مطابق یہ دونوں ایک ساتھ چل بھی سکتے ہیں، آپ جو حکم دیں گے یہ روبوٹس کریں گے۔
کمپنی نے بتایا کہ دونوں روبوٹس میں ایک ہی نیورل نیٹ ورک موجود ہے جس کی وجہ سے وہ دونوں ایک جیسے رویے کا مظاہرہ کرتے ہیں۔
یہ روبوٹس کسی فیکٹری میں بھی کام کرسکتے ہیں اور اس کے لیے آنکھوں کی جگہ نصب کیمروں سے مدد حاصل کرتے ہیں۔
کمپنی کی جانب سے یہ نہیں بتایا گیا کہ روبوٹس کے کاموں کی حد کیا ہے، البتہ یہ ضرور بتایا گیا کہ ہیلیکس اے آئی ماڈل کی مدد سے یہ روبوٹس مختلف ساخت اور حجم والی ہزاروں اشیا کو اٹھا سکتے ہیں۔
مزید خبریں :
دنیا کے سب سے چھوٹے پارک کی سیر کرنا پسند کریں گے؟
28 فروری ، 2025
کتے جیسی ساخت کی پہاڑی کی تصویر وائرل
27 فروری ، 2025
کامیاب ٹرانسپلانٹ کے بعد 5 گردوں کے ساتھ زندگی گزارنے والا شخص
26 فروری ، 2025
