31 اکتوبر ، 2014 
ابوظبی ٹیسٹ: پاکستان نے پہلی اننگز570رنزبناکر ڈیکلیئر کردی
31 اکتوبر ، 2014
ابوظبی...... پاکستان نے آسٹریلیا کے خلاف 6وکٹوں کے نقصان پر اپنی پہلی اننگز 570 رنز بناکر ڈیکلیئر کردی۔ پاکستان کی جانب سےیونس خان213رنز بناکرٹاپ اسکورررہے جبکہ مصباح الحق نے101اوراظہر علی نے109رنز بنائے۔ اب آسٹریلیا کو دوسرے دن کے کھیل کے خاتمے پر 14 اوورز کھیلنے ہیں۔ اس سے قبل اسٹار بیٹسمین یونس خان نے شاندار بیٹنگ کا سلسلہ جاری رکھتے ہوئے آسٹریلیا کے خلاف نہ صرف ڈبل سنچری بنائی بلکہ ٹیسٹ کیریئر میں اپنے 8ہزار رنز بھی مکمل کرلیے۔ یہ ان کی پانچویں ڈبل سنچری ہے۔ وہ8 ہزار رنز بنانے والے تیسرے پاکستانی کھلاڑی ہیں،اس سے قبل جاوید میانداد اور انضمام الحق بھی 8ہزاررنز بناچکے ہیں۔ 2000ء میں سری لنکاکے خلاف ٹیسٹ کیریئر کا آغاز کرنے والے یونس خان کا یہ 93واں ٹیسٹ ہے۔ یونس خان کاٹیسٹ کرکٹ میں سب سے زیادہ اسکور 313رنز ہے۔ انہوں نے دبئی میں کھیلے جانے والے پہلے ٹیسٹ کی دونوں اننگز میں سنچری اسکور کی تھیں۔
مزید خبریں :
چیمپئنز ٹرافی کے سیمی فائنلز کے میچ آفیشلز کا اعلان
11 گھنٹے پہلے
ٹینس کے لیجنڈ جوڑے کا بیٹا بیس بال میں چلا گیا
03 مارچ ، 2025
