24 نومبر ، 2014 
آخری ٹیسٹ بھی جیتنے کی کوشش کریں گے ،وقار یونس
24 نومبر ، 2014
شارجہ......پاکستان کرکٹ ٹیم کے ہیڈ کوچ وقار یونس کا کہنا ہے کہ نیوزی لینڈ کیخلاف تیسرے ٹیسٹ میں فتح کیلئے کھلاڑی پوری کوشش کریں گے، وہ شارجہ میں پاکستانی ٹیم کی پریکٹس کے وقت میڈیا سے گفتگو کررہے تھے۔سابق پاکستانی فاسٹ بولر کا کہنا تھا کہ متحدہ عرب امارات میں ٹیم نے آسٹریلیا کے خلاف سیریز اور نیوزی لینڈ کے خلاف اب تک عمدہ کارکردگی پیش کی ہے، اُنہیں توقع ہے کہ ٹیم سیریز کے آخری میچ میں بھی و ننگ ٹریک پر ہی رہے گی۔وقار یونس نے کہا کہ یہ تاثر غلط ہے کہ ہمارے فاسٹ بولرز ریورس سوئنگ نہیں کرپارہے ، اُنہوں نے کہا کہ اس سیریز میں ریورس سوئنگ کم کم دیکھنے میں آئی ہے لیکن اس کی وجہ یہ ہے کہ ٹیم کو فی الحال اصل تیزرفتار بولرز دستیاب نہیں جیسا ماضی میں ٹیم میں تھے۔وقار یونس کا کہنا تھا کہ سرفراز احمد ہر میچ کے بعد بہتر ہوتے جارہے ہیں اوروہ انتہائی پُرامید ہیں کہ ہر میچ کے بعد اُن کے کھیل میں نکھار آتا جائے گا۔
مزید خبریں :
کرسٹیانو رونالڈو نے کلب ورلڈکپ میں شرکت کی تردید کر دی
08 جون ، 2025
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
