25 اپریل ، 2012 
مہدی حسن کو علاج کے لیے بھارت لے جارہے ہیں،عارف مہدی
25 اپریل ، 2012
کراچی …طویل عرصے سے علیل مشہور عالم گلوکار مہدی حسن کو علاج کی غرض سے بھارت لے جایا جارہا ہے،اس سلسلے میں ان کی فیملی کو بھارت کے ویزے جاری کردیئے گئے ہیں۔مہدی حسن کے صاحبزادے عارف مہدی نے جیو نیوز سے گفتگو کرتے ہوئے اس خبر کی تصدیق کردی ہے کہ مہدی حسن کو علاج کے لیے بھارت لے جایا جا رہا ہے، عارف مہدی کے مطابق بھارت کے دورے میں وہ خود ، ان کی اہلیہ، بیٹا اور طبی عملے کے2ارکان بھی مہدی حسن کے ہمراہ ہوں گے اور نئی دلی اورممبئی میں تقریبا30دن رہیں گے،اطلاعات کے مطابق مہدی حسن کوایئرایمبولنس میں بھارت لے جایا جائے گا کیونکہ ان کی طبیعت ایسی نہیں کہ وہ معمول کی پروازسے سفر کرسکیں، بھارتی میڈیا کے مطابق مہدی حسن کے علاج کا انتظام نئی دلی کے فورٹیز اسپتال میں کیا جارہا ہے اور ان کی فیملی کو بھارت کاویزا دے دیا گیا ہے۔ عارف مہدی نے بتایا کہ ان کی والد کی بھارت روانگی میں ڈیڑھ سے دو ہفتے لگ سکتے ہیں۔
مزید خبریں :
ٹک ٹاکر ربیکا خان نے اپنی مایوں پر کتنا مہنگا جوڑا پہنا؟
23 جون ، 2025
اداکاری میں کوئی کرئیر نہیں، اداکارہ غنیٰ علی
22 جون ، 2025
صنم سعید اور محب مرزا کے گھر ننھے مہمان کی آمد
20 جون ، 2025
اداکار نمیر خان کی ڈریم گرل کون ہے؟
20 جون ، 2025
