17 دسمبر ، 2014 
غیرقانونی تارکین وطن برداشت نہیں کئے جائیں گے‘ سعودی وزیرمحنت
17 دسمبر ، 2014
ریاض ...... سعودی عرب کے وزیر محنت عدل فقہیہ نے کہا ہے کہ سعودی عرب میں غیر قانونی طور پر کام کرنے والے تارکین وطن کے خلاف مہم مزید تیز کی جائے گی انہیںکسی بھی صورت برداشت نہیں کیا جائے گا۔ عدل فقہیہ نے مزید کہاکہ سعودی عرب کے قواعد و ضوابط اور قوانین کی خلاف ورزی کرنے والے تارکین وطن کو ملک میں رکھنے کا کوئی جواز نہیں صرف ملکی قوانین کا احترام کرنے والے تارکین وطن ہی سعودی عرب میں قیام یا کام کر سکتے ہیں۔ غیر قانونی تارکین کے خلاف جاری حالیہ مہم کے کاروباری اداروں پر کسی قسم کے کوئی مضر اثرات مرتب نہیں ہوں گے، اسی لئے ہم نے لیبر مارکیٹ سے غیر قانونی تارکین وطن کو نکالنے کا عزم کر رکھا ہے ۔ انہوں نے کاروباری اداروں پر چھاپے مارنے کیلئے تعینات کی جانے والی 150 سے زائد خاتون لیبر انسپکٹرز پر زور دیا کہ وہ عدل و انصاف اور شائستگی سے کام لیں اور اپنے فرائض اعتماد اور ایمانداری سے انجام دیں۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
جنوبی کوریا میں اپوزیشن کا قائم مقام صدر کے مواخذےکا بھی اعلان
24 دسمبر ، 2024
اسرائیل نے اسماعیل ہنیہ کو شہید کرنے کا اعتراف کرلیا
24 دسمبر ، 2024
