29 دسمبر ، 2014 
سپریم کورٹ ،بکتربندگاڑیوں کی خریداری کیس ،سماعت 31 دسمبر تک ملتوی
29 دسمبر ، 2014
کراچی .......سپریم کورٹ نے سندھ پولیس کی جانب سے مہنگے داموں بکتربندگاڑیوں کی خریداری کے خلاف درخواست کی سماعت حکومت سندھ کی جانب سے مہلت طلب کرنے پر 31 دسمبر تک ملتوی کردی۔کراچی رجسٹری سپریم کورٹ میں سندہ پولیس کے لئے سربیا سے 16بکتر بندگاڑیوں کی مہنگے داموں خریداری کے خلاف درخواست کی سماعت ہوئی ۔درخواست گزار محمود اختر نے موقف اختیار کیا ہے کہ ہیوی انڈسٹری ٹیکسلاجو گاڑی ساڑھے 5 کروڑ میں فراہم کرسکتا ہے ۔وہ سیکنڈ ہینڈ کنڈیشن میں 14 کروڑ میں سربیا سے خریدی جارہی ہے۔ایڈوکیٹ جنرل نے عدالت میں اس معاملے پر وزیراعلیٰ کو بھیجی گئی سمری عدالت میں پیش کی جبکہ چیف سیکریٹری کی جانب سے فاروق ایچ نائک ایڈوکیٹ نے موقف اختیار کیا کہ ہمیں اس معاملے پر تیاری اور دلائل کے لئے مہلت دی جائے۔عدالت نے سماعت 31 دسمبر تک سماعت ملتوی کردی ۔
مزید خبریں :
