29 جنوری ، 2015 
رکن اسمبلی کو پی آئی اے کی پرواز سے زبردستی اتارنے کا معاملہ
29 جنوری ، 2015
اسلام آباد.........قومی اسمبلی کی کمیٹی نے رکن اسمبلی رمیشن کمار کو پی آئی اے کی پرواز سے زبردستی اتارنے پر ملزمان کے خلاف ایف آئی آر درج کرنے کی سفارش کی ہے، وزیر مملکت پارلیمانی امور نے مقدمہ درج کرانے کی یقین دہانی کرادی۔ قومی اسمبلی کی استحقاق اور قواعد و ضوابط کمیٹی کا اجلاس رکن اسدالرحمٰن کی صدارت میں ہوا۔ رکن قومی اسمبلی رمیش کمار کو پی آئی اے کی پرواز سے زبردستی اتارنے کے معاملے پر تحریک استحقاق پر غور کیا گیا۔ رمیشن کمار نے کہا کہ پہلی کارروائی جہاز کے کپتان کے خلاف ہونی چاہیے، انکوائری رپورٹ آنے کے بعد ایم ڈی پی آئی اے نے کوئی ایکشن نہیں لیا، ان کے خلاف بھی کارروائی ہونی چاہئے، پرواز سے اتارنے والے مسافر ارجمند کے خلاف ایف آئی آر درج کرنے کےساتھ ان پرسفری پابندی بھی عائد کی جائے۔ کمیٹی نے ارجمند نامی شخص کے خلاف ایف آئی آر درج کرنے کی سفارش کی ۔
مزید خبریں :
کراچی میں آج اور کل گرج چمک کے ساتھ بارش کا امکان
7 گھنٹے پہلے
سندھ میں آج آندھی اور گرج چمک کے ساتھ بارش کی پیشگوئی
10 گھنٹے پہلے
