16 نومبر ، 2022 
16 نومبر ، 2022
آئی سی سی ٹی ٹوئنٹی ورلڈکپ میں شرکت کے بعد قومی کرکٹ ٹیم کے کپتان بابر اعظم اور دیگر کھلاڑی رات گئے لاہور ائیرپورٹ پہنچے۔
بابر اعظم کے ہمراہ فاسٹ بولر نسیم شاہ، پی سی بی چیئرمین رمیز راجہ سمیت ٹیم آفیشلز غیر ملکی پرواز کے ذریعے لاہور کے علامہ اقبال انٹرنیشنل ائیرپورٹ پہنچے تھے۔
سوشل میڈیا پر وائرل ہونے والی ویڈیو میں دیکھا گیا کہ جیسے ہی نسیم شاہ ائیرپورٹ سے باہر نکلے تو وہاں موجود شائقین نے انہیں دیکھ کر ' شیر آیا شیر'کے نعرے لگانا شروع کردیے۔مداحوں نے نسیم شاہ کے ساتھ سیلفیاں بھی بنوائیں۔
اس کے علاوہ آصف علی، عثمان قادر لاہور جبکہ حارث رؤف اسلام آباد پہنچے تھے۔
واضح رہے کہ ٹی ٹوئنٹی ورلڈ کپ کے فائنل میں پاکستان ٹیم کو انگلینڈ سے شکست ہوئی تھی۔
