کھیل

فواد عالم کو انگلینڈ کیخلاف ٹیسٹ اسکواڈ میں ہونا چاہیے تھا: شاہد آفریدی

24 نومبر ، 2022

یہ تاثر غلط ہے کہ ورلڈ کپ میں شاہین مکمل فٹ نہیں تھے، اس کی انجری پرانی نہیں، نئی ہے: آفریدی—فوٹو: فائل

پاکستان کے سابق کپتان شاہد آفریدی نے ٹیسٹ کرکٹر فواد عالم کو انگلینڈ کے خلاف اسکواڈ میں شامل نا کرنے پر اظہار خیال کیا ہے۔

ایک تقریب سے خطاب میں شاہد آفریدی نے آرمی چیف کی نامزدگی کے حوالے سے کہا کہ شکر ہے آرمی چیف کا عمل مکمل ہوگیا،میرے خیال میں یہ معاملہ ختم ہوجانا چاہیے، جو سینئر ہے اس خو موقع ملنا چاہیے،فوج ہماری طاقت ہے۔

سابق کپتان کا کہنا تھا کہ فواد عالم کو انگلینڈ کے خلاف اسکواڈ میں شامل ہونا چاہیے تھا، انہیں کھیلنے کا موقع ملنا چاہیے تھا۔

یہ بھی پڑھیں

انہوں نے قومی ٹیم سے متعلق کہا کہ یہ تاثر غلط ہے کہ ورلڈ کپ میں شاہین مکمل فٹ نہیں تھے، اس کی انجری پرانی نہیں، نئی ہے، وہ کیچ لیتے ہوئے گرے جس کی وجہ سے انجری ہوئی۔

شاہد آفریدی نے کہا کہ پاکستان ٹیم کو اپنی پینچ اسٹرنتھ مضبوط بنانا ہوگی، ریڈ بال اور وائٹ بال کی الگ الگ ٹیم بنانا مشکل ہے۔ پاکستان ٹیم کے ساتھ اے ٹیم بھی بنائی جانی چاہیے، بینچ اسٹرنتھ ہوگی تو سب کو پرفارم کرنا ہوگا۔

خطاب کے دوران اسٹار آل راؤنڈر نے یہ بھی کہا کہ ایسا نہیں ہونا چاہیے کہ شاہین یا بابر نہیں ہیں تو کون ہوگا،92 کا ورلڈکپ بھی ہم اسی طرح جیتے تھے،جو غلطیاں کی وہ کوچز کو معلوم ہے۔

'اپ سیٹ ہونے سے فیفا ورلڈکپ میں جان پڑ گئی ہے'

قطر میں جاری فیفا ورلڈکپ کے حوالے سے شاہ آفریدی بولے میری پسندیدہ ٹیم جرمنی ہے،انگلینڈ کی ٹیم بھی پسند ہے،اپ سیٹ ہونے سے فیفا ورلڈکپ میں جان پڑ گئی ہے۔

انہوں نے کہا کہ ہمیں اپنی ڈومیسٹک اور انڈر 19 ٹیمیں مضبوط کرنی ہوں گی، چیئرمین پی سی بی رمیز راجہ نے پاکستان جونیئر لیگ ( پی جے ایل) کا شاندار ایونٹ کروایا۔بلوچستان میں بھی اکیڈمی بنانا چاہتا ہوں، وہاں بہت ٹیلنٹ ہے۔

اس کے علاوہ شاہد آفریدی نے کہا کہ سیلاب زدگان کی امداد کے لیے مل کر کام کرنا ہوگا،کوئی کام اکیلے نہیں ہوتا، ایک دوسرے کی سپورٹ سے ہی منزل تک پہنچا جاسکتا ہے،کے پی سندھ بلوچستان کے 500 متاثرین کو رہنے کی چھت فراہم کررہے ہیں، دوسروں کی امداد سے دلی اطمنان ملتا ہے۔