پیرس.......رضا چوہدری........ فرانس کی معروف شاعرہ محترمہ سمن شاہ نے لٹریچر اینڈ کلچر انٹرنیشنل کے سمینار اورمشاعرے میں شرکت کی۔ خواتین کے عالمی دن کی مناسبت سے لٹریچراینڈ کلچر انٹرنیشنل ڈنمارک کے اس سمینار اور مشاعرے میںشاعرہ سمن شاہ اور ممتاز ملک کے علاوہ انگلینڈ کی معروف شاعرہ محترمہ غزل انصاری نے خصوصی شرکت کی۔ محترمہ سمن شاہ نے سمینار میں خواتین کے عالمی دن کے حوالے سے اپنے مقالے میں کہااگر ہم مذہبی تاریخ کا مطالعہ کریں تو اسلام نے پہلی بار عورتوں کے حقوق کا تعین کیا ۔ہمارے مذہب نے عورتوں کو وہ تمام حقوق دئیے ہیں جن کی وہ مستحق ہیں اور آئین نے بھی ان حقوق کی حفاظت کی ہے مگر بد قسمتی سے ہمارے معاشرے نے ان حقوق کی پاسداری نہیں کی ۔ضرورت اس امر کی ہے کہ اسلام نے عورتوں کو جو حقوق دیے ہیں اْنہیں دیے جائیں اور اْنہیں معاشرے کا ایک فرد مانا جائے نہ کہ کوئی چیز۔ انہیں اپنے حقوق کی پہچان کروائی جائے تبھی ایک صحت مند معاشرہ جنم لے سکتا ہی۔ ڈنمارک کے سفیر جناب مسرور جو نیجو نے اس میںخصوصی شرکت کی۔ شاعرہ سمن شاہ نے اپنا دوسرا مجموعہ کلام تم سے تمہی تک جناب مسرور جونیجو کو پیش کیا ۔