28 مارچ ، 2015 
یمن میں محصور پاکستانیوں کی واپسی کیلئے 2طیارے مختص
28 مارچ ، 2015
اسلام آباد ......وزیر اعظم نوازشریف کی ہدایت پر یمن میں محصور پاکستانیوں کو وطن واپس لانے کے لیے پی آئی اے نے2 طیاروں کا انتظام کیا ہے۔صنعا میں سفارت خانے اور ایوی ایشن کی کلیئرنس کے بعد طیارے روانہ ہوں گے ۔وزیر اعظم کا کہنا ہے کہ ہمارے دل مشکل میں گھرے پاکستانی بہن بھائیوں کے ساتھ دھڑکتے ہیں۔وزیر اعظم کی ہدایت پر یمن میں محصور پاکستانیوں کے انخلا کے لیے جامع پلان تشکیل دیاگیا ہے ،یمن میں ریاستی ڈھانچہ تباہ ہونے کے باعث اکثر ائر پورٹس قابل استعمال نہیں، پہلے پاکستانیوں کو قافلوں کی صورت میں یمن کے ہمسایہ ممالک لے جایا جائے گا جہاں سے پی آئی کی پرواز سے انہیں وطن واپس لایا جائے گا ۔ ۔وزیر اعظم نے یمن میں مقیم پاکستانیوں کا تحفظ یقینی بنانےسمیت متعلقہ حکام کو صورتحال سے مسلسل آگاہ رکھنے کی ہدایت کی ہے، ترجمان وزیر اعظم ہاوس کے مطابق وزیرا عظم خود صورتحال کی نگرانی کر رہے ہیں۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
