26 جنوری ، 2012 
خاتون سے زیادتی کی کوشش کی خبریں بے بنیاد ہیں،پنجاب پولیس
26 جنوری ، 2012
لاہور … پنجاب پولیس نے راولپنڈی میں خاتون سے زیادتی کی کوشش یا دست درازی کی خبروں کو بے بنیاد قرار دیا ہے،اور کہا ہے کہ خاتون نے اپنے خاندان کو پولیس کارروائی سے بچانے کیلئے خود کو زخمی کرنے کا ڈرامہ رچایا۔ لاہورسے جاری بیان میں پنجاب پولیس کی ترجمان نبیلہ غضنفرنے کہا کہ راولپنڈی پولیس نے تھانہ وارث خان کی حدود میں منشیات اور شراب فروشی کی مصدقہ اطلاعات پر ایک گھر پرچھاپا مارا،جہاں سے شراب برآمد کرکے مقدمہ درج کر لیاگیا ہے،ترجمان کے مطابق پولیس کارروائی سے بچنے کیلئے اس گھرانے کی ایک خاتون ثناء نے خود کو زخمی کرنے کا ڈرامہ رچایا،اور پولیس اہلکاروں پر زیادتی کی کوشش کا الزام عائد کر دیا،انہوں نے مزید کہا کہ اس سے پہلے بھی اس خاندان پر متعدد مقدمات درج ہیں ۔
مزید خبریں :
