13 جون ، 2015 
سپر ہیرو کرداروں پر مبنی فلم ’فینٹاسٹک فور‘ کا نیا ٹریلر آگیا
13 جون ، 2015
ہالی وڈ.........مارویل کامکس کے سپر ہیرو کرداروں پر مبنی فلم ’فینٹاسٹک فور‘ کی نئی جھلکیاں جاری کردی گئیں ہیں۔ مارویل کامکس کے چاہنے والوں کے لیے خوشخبری یہ ہے کہ سپر ہیرو کرداروں پر مبنی امریکن فلم فینٹاسٹک فور کی نئی جھلکیاں جاری کردی گئی ہیں۔ جوش ٹرینک کی ہدایت کاری میں بننے والی اس فلم کی کہانی ایسے سپر ہیروز کے گرد گھومتی ہے، جو اپنی طاقت اور صلاحیتوں میں اضافہ کرنے کے لیے دوسری دنیا کا رخ کرتے ہیں، تاکہ زمین کو دشمنوں سے محفوظ رکھا جائے۔ فلم میں اپنی اداکاری کو جوہر دکھانے والوں میں مائلس ٹیلر، کیٹ مارا، مائیکل بی جارڈن، جیمی بیل، ٹوبی کیبل، ریگ ای کیتھی اور ٹم بلیک سمیت دیگر فنکار شامل ہیں۔ ایکس مین ڈیز آف فیوچر پاسٹ کے پروڈیوسر سیمن کین برگ کی پروڈکشن میں بننے والی یہ فلم 20thسنچری فاکس کے بینر تلے 7اگست کو سینما گھروں کی زینت بنے گی۔
مزید خبریں :
