19 جون ، 2015 
تھرل سے بھرپور پولیٹکل ڈرامہ فلم ’دی رَننر‘ کا پہلا ٹریلر جاری
19 جون ، 2015
ہالی وڈ.......ہالی وڈ کے آسکر ایوارڈ یافتہ اداکار، فلمساز و پروڈیوسر نکولس کیج کی تھرل سے بھرپور نئی پولیٹکل ڈرامہ فلم ’دی رَننر‘ کا پہلا ٹریلر جاری کردیا گیا ہے۔ ہدایتکار آسٹن اسٹارک کی اس سنسنی خیز فلم میں نکولس کیج مرکزی کردار میں جلوۂ گر ہونگے، جس کے ساتھ فلم کی دیگر کاسٹ میں کونی نیلسن، پیٹر فونڈا، سارہ پالسنا اور وینڈل پیئرس شامل ہیں۔ بنگو گبل من اور ایریکا ہیمپسن کی مشترکہ پروڈیوس کردہ، اس فلم کی کہانی ایک ایسے سیاست دان کے گِرد گھوم رہی ہے، جو آئل کے تنازعے اور اسکینڈلز کا شکار ہو کر شدید مشکلات میں پھنس جاتا ہے اور حکامِ بالا کی جانب سے نہ صرف کڑی تنقید کا نشانہ بنایا جاتا ہے، بلکہ اپنی نااہلی کا اعتراف کرنے پر بھی مجبور کیا جاتا ہے۔ ال کیمی پکچرز کے تحت بننے والی ایکشن اور تھرل سے بھرپور یہ پولیٹیکل ڈرامہ فلم رواں سال 7اگست کو سینما گھروں کی زینت بنے گی۔
مزید خبریں :
اداکار خوشحال خان کس کے کہنے پر شادی کریں گے؟
25 جون ، 2025
اداکار ثمر جعفری نے لیونل میسی سے متعلق دلچسپ قصہ سنادیا
24 جون ، 2025
ٹک ٹاکر ربیکا خان نے اپنی مایوں پر کتنا مہنگا جوڑا پہنا؟
23 جون ، 2025
