14 ستمبر ، 2015 
جرمنی اور آسٹریا کے درمیان ٹرین سروس بحال
14 ستمبر ، 2015
برلن.......بارڈر کنٹرول کے تحت آسٹریا اور جرمنی کے درمیان اتوار کی شام معطل کی گئی ٹرین سروس بحال کر دی گئی ہے۔
میڈیارپورٹس میں بتایا گیا ہے کہ پیر سے ریل گاڑی کی سروس دوبارہ فعال ہو گئی ہے۔ تاہم جرمن حکومت نے مہاجرین کی مسلسل آمد کو کنٹرول کرنے کے لیے گزشتہ روز سرحدوں پر سفری دستاویزات کی چیکنگ کا جو نظام نافذ کیا تھا، وہ بدستور نافذ رہے گا۔
ادھر آسٹریا کی حکومت نے مسافروں کو مطلع کیا ہے کہ وہ جرمنی کے سفر پر روانہ ہونے سے قبل اپنی سفری دستاویزات بھی اپنے ساتھ رکھیں کیونکہ جرمن حکام مسافروں کی چیکنگ کر سکتے ہیں۔ گزشتہ روز جرمن وزیر داخلہ تھومس ڈے میزیئر نے اعلان کیا تھا کہ بارڈرکنٹرول سکیورٹی وجوہات کے ساتھ ساتھ مہاجرین کی اتنی بڑی تعداد میں آمد کومحدود کرنے کے لیے یہ نظام نافذ کیا گیا ہے، تاکہ جعلی مہاجرین کی آمد کو روکا جاسکے۔
