16 اکتوبر ، 2015 
سعودی عرب اورترکی شامی اپوزیشن کی مدد کے پابند ہیں،عادل الجبیر
16 اکتوبر ، 2015
ریاض ........سعودی وزیر خارجہ عادل الجبیر نے کہا ہے کہ ان کا ملک اور ترکی دونوں شامی اپوزیشن کی مدد کے پابند ہیں، دونوں ملک عراق اور شام کی وحدت کو یقینی بنانے کی کوششیں جاری رکھیں گے۔
عالمی میڈیا کے مطابق سعودی وزیرخارجہ نےیہ بات انقرہ میں اپنے ترک ہم منصب فریدون سینیرلی اوگلو کے ہمراہ ایک مشترکہ پریس کانفرنس سے خطاب کرتے ہوئے کہی۔
ترک وزیرخارجہ نے شام میں روسی فوج کی مداخلت کی مذمت کی اور کہا کہ ماسکو شام میں فوجی ایکشن کرکے سنگین غلطی کا مرتکب ہو رہا ہے۔
روس کی شام میں مداخلت سے کوئی اچھائی برآمد نہیں ہو گی۔فریدون اوگلو کا کہنا تھا کہ انقرہ اور ریاض شام اور عراق کی وحدت اور سالمیت کے حامی ہیں۔ انہوں نے کرد مخالفین سے مطالبہ کیا کہ وہ اپنی حدوں سے باہر نہ نکلیں،بشارالاسد کا شام میں اب کوئی مستقبل نہیں رہا ہے۔ وہ ملک کے صرف 14 فی صد علاقے پر قابض ہیں۔
