19 نومبر ، 2015 
اسٹار وارز سلسلے کی ساتویں فلم’دی فورس اویکنز‘کا نیا سنسنی خیزٹریلر جاری
19 نومبر ، 2015
لاس اینجلس ......دیوہیکل اْڑن طشتریاں ، انوکھے جہاز اور دیوقامت روبوٹس آرہے ہیں دنیا کو حیران و پریشان کرنے ، جی ہاں خلائی مخلوق کے دیوانے تیار ہوجائیںکیونکہ اسٹار وارز سلسلے کی ساتویں فلم دی فورس اویکنزکا نیا سنسنی خیز ٹریلر جاری کردیا گیا ہے۔
جے جے ابرامز کی ہدایت کاری میں بننے والی اس فلم کی کہانی اسٹار وارز کے روایتی کرداروں کے گرد گھومتی ہے جو جدید روبوٹس اور اْڑن طشتریوں پرسوار ہوکر نئے خلائی مشنز پر روانہ ہونگے۔
فلم میںاداکاری کے جوہر دکھانے والے فنکاروں میں جان بویگا، ڈیزی ریڈلے، ایڈم ڈرائیور، آسکر ایساق، اینڈی سرکس، ہیریسن فورڈ اور مارک ہیمل سمیت دیگر شامل ہیں۔
فلم کے پروڈیوسرہالی ووڈ کو جراسک پارک جیسی کئی کامیاب فلمیں دینے والے کیتھلین کینیڈی ہیں جبکہ یہ فلم والٹ ڈزنی پروڈکشنز کے بینر تلے 18دسمبر کو سینما گھروں میں نمائش کیلئے پیش کردی جائے گی۔
