02 جنوری ، 2016 
نیٹو کی توسیع روس کے لیے شدید خطرہ ہے،روسی صدر
02 جنوری ، 2016
ماسکو...... روسی صدر ولادیمیر پیوٹن نے نیٹو کی توسیع کو ملک کے لیے شدید خطرہ قرار دے دیا، صدر پیوٹن کا کہنا ہے کہ نیٹوکی سرگرمیاں روسی اقدار اور بین الاقوامی قوانین کی خلاف ورزی ہیں۔
روسی خبر ایجنسی کے مطابق صدر ولاد یمیر پیوٹن نے ملک کی سلامتی اور تحفظ کے متعلق اہم دستاویز پردستخط کردیے ہیں جس میں نیٹو کی توسیع کو ملکی سلامتی کے لیے خطرہ اور بین الاقوامی قوانین کے خلاف قرار دیا گیا ہے۔
دستاویز میں روس نے امریکا کے اتحادی ممالک پر الزام عائد کیا ہے کہ یہ ممالک عالمی معاملات پراپنا کنٹرول چاہتے ہیں جبکہ روس کی داخلہ اور خارجہ پالیسی پر امریکا اور اس کے اتحادیوں نے جوابی حکمت عملی بھی تیار کرلی ہے، روس نئی سلامتی پالیسی کے تحت اپنی سیکیورٹی کے لیے فوجی طاقت کو مزید مضبوط بنائے گا۔
مزید خبریں :
