28 جنوری ، 2012 
میانوالی: مصباح الحق کے گھر پر بچے اور نوجوان جمع ، جیت پر جشن
28 جنوری ، 2012
میانوالی … پاکستانی ٹیم کی انگلینڈ کے خلاف ٹیسٹ سیریز میں شاندار کامیابی پر پورے ملک میں خوشی کی لہردوڑگئی ہے، میانوالی میں قومی ٹیم کے کپتان مصباح الحق کی رہائشگاہ پر بچے اور نوجوان جمع ہو گئیاور کامیابی کا جشن منایا، مصباح کی والدہ نے ٹیم اور پوری قوم کو جیت پر مبارکباد دی ہے۔ میانوالی میں خوشیوں سے سرشار نوجوان اور بچے قومی کرکٹ ٹیم کے کپتان مصباح الحق کی رہائش گاہ کے باہر جمع ہوگئے اور قومی ٹیم کی جیت کی خوشی میں ایک دوسرے کو مٹھائیاں کھلا ئیں۔ان کا کہنا ہے کہ قومی ٹیم کی انگلینڈ کے خلاف کامیابی نے پوری قوم کا سر فخر سے بلند کر دیا ہے۔ قومی کرکٹ ٹیم کی جیت پر کپتان مصباح الحق کی والدہ بلقیس بیگم کی خوشی کا کوئی ٹھکانا نہیں ہے، انہوں نے جیو نیوز سے گفتگو کرتے ہوئے ٹیم کے تمام کھلاڑیوں اور پوری قوم کو مبارکباد دی، کپتان کی والدہ کا کہنا تھا کہ تمام کھلاڑیوں نے یکجا ہوکر عمدہ کھیل پیش کیا۔
