دبئی......پاکستان سپر لیگ کےایک اور اہم میچ میں جو سیمی فائنل کا درجہ رکھتا ہے اسلام آباد یونائیٹڈ نے پشاور زلمی کو میچ جیتنے کےلئے177رنز کا ہدف دیا ہے،جس میں شرجیل خان کے جارحانہ117رنز بھی شامل ہیں۔

ڈو اور ڈائی مقابلے میں پشاور زلمی نے ٹاس جیت کر اسلام آباد یونائیٹڈ کو بیٹنگ کی دعوت دی تاہم شاہد خان آفریدی کا یہ فیصلہ زیادہ اچھا ثابت نہیں ہوا اورانہیں پہلی وکٹ 108رنز کے مجموعے پر ملی جب اسمتھ19رنز بنا کرآئوٹ ہوئے۔

اسلام آباد یونائیٹڈ کی اننگ کی خاص بات شرجیل خان کی جارحانہ117رنزکی اننگ تھی انہوں نے پشاور کے کسی بولر کو خاطر میں لاتے ہوئے سب کی بے دردی سے پٹائی کی ،پہلے انہوں نے 50گیندوںپرسنچری بنائیجس میں11چوکے اور7بلندو بالا چھکے شامل تھے،جبکہ انہوں نے مجموعی طور پراننگ 8چھکے اور12چوکے لگائے،وہ بد قسمتی سے رن آئوٹ ہو گئے،شرجیل نے اپنی سنچری پشاور زلمی کے کپتان لالہ شاہد آفریدی کی گیندپر چھکا لگاکر مکمل کی۔

پشاور زلمی کی جانب سے شان ٹیٹ نے 35رنز دیکر2وکٹیں حاصل کیں۔پاکستان کا پہلا اسپورٹس چینل جیو سوپر اپنے ناظرین کیلئے دبئی سے براہ راست نشر کررہا ہے ۔