11 جولائی ، 2016 
حکومت ٹی او آرز پر نہ مانی تو سڑکوں پر آئینگے،جہانگیرترین
11 جولائی ، 2016
تحریک انصاف کے رہنما جہانگیر ترین کہتے ہیں کہ کرپشن چھپانے کے لیے جمہوریت کا سہارا لیا جارہا ہے،لندن کی جائیداد کے بارے میں وزیراعظم کے خاندان کے متضاد بیانات جھوٹ کی دلیل ہیں، حکومت ٹی او آر پر نہ مانی تو سڑکوں پر آئیں گے۔
لاہور میں میڈیا سے غیررسمی گفتگو کرتے ہوئے جہانگیرترین نے کہا کہ پاناما لیکس پرکوئی سمجھوتا نہیں کریں گے، کرپشن پرکوئی سودےبازی نہیں ہوگی۔
انہوں نے کہا کہ پاناما لیکس کی تحقیقات کے ضوابط کار پر تمام اپوزیشن جماعتوں کوایک پلیٹ فارم اکٹھا کررہے ہیں، حکمرانوں کی کرپشن پر احتساب کے لیے عوام کو اعتماد میں لینے کی مہم شروع کررہے ہیں۔
جہانگیر ترین کا یہ بھی کہنا تھا کہ حکومت ٹی او آر پر رضامند نہ ہوئی تو سڑکوں پر احتجاج ہوگا،تحریک انصاف کے پارٹی الیکشن وقت پر کرائیں گے۔
مزید خبریں :
بھارت نے پانی روکا تو جنگ کے سوا دوسرا آپشن نہیں: بلاول
32 سیکنڈ پہلے
ایران اور عراق میں ہزاروں پاکستانی پھنس گئے
15 جون ، 2025
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
