08 اگست ، 2016 
اوول ٹیسٹ کیلئے پاکستانی ٹیم میں تبدیلیوں پر غور
08 اگست ، 2016
برمنگھم ٹیسٹ میں شکست کے بعد پاکستان ٹیم مینجمنٹ نے اوول میں ہونے والے آخری اور اہم ٹیسٹ میچ کے لیے فائنل الیون میں متعدد تبدیلیوں پر غور شروع کر دیا ہے ۔ چار ٹیسٹ کی سیریز میں انگلینڈ کو دو ایک سے برتری حاصل ہے ۔
سیریز میں شکست سے بچنے کےلیے پاکستان کو جمعرات سےشروع ہونے والا اوول ٹیسٹ میچ لازمی جیتنا ہو گا جس کے لیے ٹیم مینجمنٹ کمبی نیشن کو تبدیل کرنے پر غور کر رہی ہے ۔ محمد حفیظ کو ڈراپ کر کے افتخار احمد کو کھلائے جانے کا امکان ہے جنہیں پانچویں بائولر کے طور پر بھی استعمال کیا جائےگا ۔
اظہر علی جنہیں ایج بسٹن ٹیسٹ میں پہلے ہی اوور میں بیٹنگ کے لیے آنا پرا ان سے اوپننگ کرانے کی تجویز ہے ،ٹیم مینجمنٹ پر امید ہے کہ اظہر علی کو کوئی مشکل نہیں ہو گی ۔ مینجمنٹ فاسٹ بولرز محمد عامر اور راحت علی کی پرفارمنس سے بھی مطمئن نہیں ۔
مزید خبریں :
