20 اگست ، 2016 
’راکا پوشی‘ کے حسن،سیاح سحر میں مبتلا
20 اگست ، 2016
قراقرم کےپہاڑی سلسلے کی بلندچوٹی راکا پوشی ہروقت برف سے ڈھکی رہتی ہے اوربادل اس پرسایہ فگن رہتےہیں، راکا پوشی کا مطلب ہی ’برف سے ڈھکی چوٹی‘ ہے،اسے ’مدر آف مسٹ‘ بھی کہاجاتا ہے۔
نگر کی وادی کاحسن وجمال ہی راکا پوشی کے دم سے ہے، بلند چوٹیوں میں اس کا دنیامیں 27 واں نمبر ہے لیکن اس کی وجہ شہرت اس کی بےپناہ خوبصورتی اور کوہ پیماؤں کیلئےنسبتاً آسان رسائی ہے، بادل اکثر یہاں ڈیرہ ڈالے رکھتے ہیں، قراقرم کے سفر پر جانے والا ہر سیاح اس کے دل موہ لینے والے نظاروں میں کھویا رہتا ہے۔
راکا پوشی کے گلیشیئرپگھلتے ہیں تو پانی آبشار بن کر گرتا ہے، برف کاپانی چٹانوں سے ٹکرا کر خوب شور مچاتا ہے، طویل سفر طے کرنے کےبعد یہ شفاف پانی دور وادی سے گزرتے دریائے ہنزہ میں گرجاتا ہے۔
زیرو پوائنٹ سے چوٹی کی جانب کچھ دیر کی ٹریکنگ کا خوبصورت سفر طے کرنے والے سیاح عمر بھر یاد رکھتےہیں ،برف پوش راکا پوشی اور اس کی برفوں سے بنے چشمے ہنزہ کا رخ کرنے والے ہر سیاح کو اپنے سحر میں جکڑ لیتے ہیں۔
مزید خبریں :
وہ ایک کام جو وقت گزرنے کی رفتار کو سست کر دیتا ہے
19 مئی ، 2025
آخر لوگوں کے منہ میں عقل داڑھیں کیوں ہوتی ہیں؟
15 مئی ، 2025
خاتون نے صحرا میں پیاس سے دم توڑتے اونٹ کی زندگی بچالی
13 مئی ، 2025
سیانے کوے نے ایک بار پھر سائنسدانوں کو دنگ کر دیا
12 مئی ، 2025
اڑنے والی منفرد موٹر سائیکل جو آپ کو دنگ کر دے گی
11 مئی ، 2025
