پاکستان کرکٹ ٹیم کے سابق کپتان وسیم اکرم نےپاکستان کرکٹ ٹیم کے دورہ انگلینڈکو کامیاب قرار دیتے ہوئے کہا ہے کہ اس دورے سے سب کو ہی سیکھنے کا موقع ملا ہے ،ٹیم نے اچھا پرفارم کیا،ٹور کا اختتام جیت سے ہوا،یہ مستقبل میں فائدہ مند ثابت ہوگا۔

سابق کپتان وسیم اکرم نے کہا کہ پاکستان ٹیم بہت اچھا کھیلی ،بولرز اور بیٹسمینوں کی بہترین کارکردگی کی وجہ سے پاکستان کو کامیابی ملی ۔

وسیم اکرم نے کہا کہ سرفراز احمد نے جس طرح ٹیم کو بیک کیا ،میڈیا کا سامنا کیا،اسے دیکھ کر بہت خوشی ہوئی ،اب ویسٹ انڈیز کا ٹور ہے،تبدیلی سوچ سمجھ کر لانی ہوگی ،سرفراز پر ایک دم سے ذمہ داری نہیں ڈالنی ہوگی۔

سوئنگ کے سلطان نے پاکستان کرکٹ ٹیم کے دورہ انگلینڈ کو کامیاب قرار دیتے ہوئے کہاکہ سیریز میں بہت اچھی کرکٹ دیکھنے کو ملی ۔