کوئٹہ… کوئٹہ کے علاقے سمنگلی روڈ پر ایف آئی اے کے دفتر کے قریب یونیورسٹی کی بس کے قریب دھماکا ہوا جس کے نتیجے میں کم از کم 3طلباء جاں بحق جبکہ 20طلباء سمیت 35سے زائد افراد زخمی ہو گئے۔ اطلاعات کے مطابق آ بلوچستان یونیورسٹی آف انفارمینش ٹیکنالوجی کی بس سمنگلی روڈ سے گذر رہی تھی جب سڑک کنارے نصب باروی مواد دھماکے سے پھٹ گیا ۔ دھماکے سے بس کو ذبردست نقصان پہنچا جبکہ قریب سے گذرنے والے رکشہ اور موٹر سائیکل سوار بھی متاثر ہو ئے۔ دھماکے سے جائے وقوع پر تین فٹ گہرا گڑھا پڑ گیا جبکہ یونیورسٹی کے طلباء سمیت35سے زائد افراد زخمی ہو گئے جنہیں سول اسپتال منتقل کر دیا گیا ہے جہاں اسپتال انتظامیہ نے 3طلباء کے جاں بحق ہونے کی تصدیق کر دی جبکہ35سے رکشہ اور موٹرسائیکل سوار سمیت 35سے زائد افراد زخمی ہو ئے۔ زخمیوں میں بعض کی حالت نازک بتائی جارہی ہے۔ مقامی انتظامیہ نے علاقہ سیل کر کے تفتیش شروع کر دی ہے۔ ذرائع کا کہنا ہے کہ بلوچستان کی تاریخ میں پہلی بار طلباء کی بس کو کسی تخریبی کارروائی کا نشانہ بنایا گیا ہے۔