14 نومبر ، 2016 
سعودی عرب :ملازم کی داڑھی منڈوانے پر کمپنی ڈائرکٹر کو سزا
14 نومبر ، 2016
سعودی عرب کی ایک عدالت نے ایک ملازم کو زبردستی داڑھی منڈوانے اور ملازمت سے نکالنے کی دھمکیاں دینے کے جرم میں ایک عرب ٹور آپریٹرکمپنی کے ڈائریکٹر کو ڈیڑھ سال قید اور 900 کوڑوں کی سزا سنائی ہے۔
سعودی اخبار’عکاظ‘ نے اپنی رپورٹ میں بتایا ہے کہ عرب ممالک کے شہریوں کو سعودی عرب کے ویزے فراہم کرنے والی کمپنی کے ایک عرب ڈائریکٹرنے ساتھیوں کے سامنے ایک ایشیائی ملازم کی داڑھی زبردستی منڈوادی اور اسے ملازمت سے برطرف کرنے کی دھمکی دی۔
ذرائع کا کہنا ہے کہ ملزم نے اپنی کمپنی میں کام کرنے والے ایک ایشیائی شہری کو کئی بار ملازم سے داڑھی شیو کرانے کا کہا مگر اس نے کمپنی کے ڈائریکٹر کے حکم پرداڑھی منڈوانے سے انکار کردیا۔
اس پرکمپنی کے ڈائریکٹر نےطیش میں آکر دیگر ملازمین کے سامنےملازم کی داڑھی زبردستی منڈوا دی۔ ملزم نے دھمکی دے رکھی تھی کہ اگر اس نے داڑھی نہ منڈوائی تو وہ اسے نوکری سے نکال دے گا۔
مزید خبریں :
ٹرمپ کابینہ کے نامزد افراد کو بم حملوں کی دھمکیاں ملنے لگیں
28 نومبر ، 2024
جنگ بندی کے باوجود اسرائیل کی لبنان میں اشتعال انگیزی جاری
28 نومبر ، 2024
