29 نومبر ، 2016 
نائیجیریا :خانہ جنگی اور قحط ،75 ہزار بچوں کی جانوں کو خطرہ
29 نومبر ، 2016
خانہ جنگی، قحط اور بھوک نے نائجیریا کے شمال مشرقی حصوں میں پنجے گاڑھ لئے ہیں، اقوام متحدہ نے خطرے کی گھنٹی بجادی، اور کہا ہے کہ فوری مدد فراہم نہیں کی گئی تو پچھترہزار نائجیرین بچے اگلے کچھ مہینوں میں فاقہ کشی سے موت کے منہ میں جاسکتے ہیں۔
بتایا جاتا ہے کہ نہ ان خاندانوں کے سر پر چھت ہے،بھوک مٹانے کو خوراک نہیں اورسوالیہ نظریں اور قحط زدہ چہرے لئےنائجیریا کے ہزاروں بچے دنیا کی طرف مدد کے لئے دیکھ رہے ہیں۔
دوسری جانب اقوام متحدہ کے مطابق نائجیریا کے شمال مشرقی علاقوں میں شدت پسند تنظیم بوکو حرام کی کارروائیوں کے نتیجے میں زراعت ختم اور کاروبار تباہ ہوگئے، اور فاقہ کشی اور قحط کی صورتحال خوفناک شکل اختیار کر چکی ہے،اور یہ قحط اگلے چند مہینوں میں پچھتر ہزار بچوں کی جان لے سکتا ہے ۔
اقوام متحدہ کے مطابق چار لاکھ بچوں کو فوری طور پر مدد کی ضرورت ہے، جس کے لئے اقوام متحدہ کو دوسرے ممالک کی مدد کی ضرورت ہے۔
مزید خبریں :
حزب اللہ نے حسن نصراللہ کی تدفین کا اعلان کردیا
12 گھنٹے پہلے
آکسفورڈ یونیورسٹی کے نئے چانسلر کا انتخاب ہوگیا
27 نومبر ، 2024
روس کا یوکرین پر اب تک کا سب سے بڑا ڈرون حملہ
26 نومبر ، 2024
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
