پاکستان
13 جنوری ، 2017
13 جنوری ، 2017 
پاکستانی سماجی کارکنوں کے لاپتہ ہونے پر امریکا ، برطانیہ کی تشویش
13 جنوری ، 2017
پاکستان میں بلاگرز اور انسانی حقوق کے کارکنوں کے لاپتا ہونے پر امریکا اور برطانیہ نے شدید تشویش کا اظہار کیا ہے۔
امریکی محکمہ خارجہ کے ترجمان مارک ٹونر کا کہنا ہے کہ پاکستان میں انسانی حقوق کے کارکنوں کے لاپتا ہونے پر تشویش ہے، اوباما انتظامیہ صورت حال پر نظر رکھے ہوئے ہے۔
امریکی ترجمان نے سلمان حیدر اور دیگر لاپتا افراد کی بازیابی کے لیے پاکستانی وزارت داخلہ کی تحقیقات کا خیرمقدم بھی کیا ہے۔
اسلام آباد میں برطانوی ہائی کمیشن نے بھی پاکستان میں 5 سماجی کارکنوں کے لاپتا ہونے پر تشویش کا اظہار کیا ہے، ہائی کمیشن کے ترجمان نے حکومت پاکستان سے لاپتا افراد کی بازیابی اور ان کے اہل خانہ کو تحفظ فراہم کرنے کا مطالبہ کیا ہے۔
مزید خبریں :
