23 جنوری ، 2017 
بلاول پنجاب کی فکر چھوڑیں سندھ کے مسائل پر توجہ دیں،نہال ہاشمی
23 جنوری ، 2017
مسلم لیگ ن کراچی نے وفاق کی جانب سے شہر میں میگا پراجیکٹ کی تکمیل پر شکریہ نواز شریف ریلی نکالنے کا اعلان کر دیا،سینیٹر نہال ہاشمی کہتے ہیں کہ بلاول پنجاب کی فکر چھوڑ کر سندھ کے مسائل پر توجہ دیں ۔
مسلم لیگ ہاؤس کراچی میں پریس کا نفرنس کرتے ہوئے سینیٹر نہال ہاشمی کا کہنا تھا کراچی میں حکومت نام کی کوئی چیز نہیں، لوٹ مار کا بازار گرم ہے بارش کے باعث شہر میں ٹریفک سمیت دیگر مسائل کے انبار ہیں۔
انہوں نے کہاکہ پنجاب میں جا کر سیاست چمکانے والے پہلے سندھ کو دیکھیں، یہاں نوکریاں فروخت ہورہی ہیں کوئی پرسان حال نہیں،کراچی کو جتنا ن لیگ نے دیا کسی اور سیاسی جماعت نے نہیں دیا ۔
ن لیگ کے دیگر رہنماوں کا کہنا تھا کہ 28 جنوری کو کراچی میں شکریہ نواز شریف ریلی کا انعقاد کیا جائے گا ۔
مزید خبریں :
